Farg`ona davlat universiteti

TABIIY FANLAR FAKULTETIDA “KARYERA VA BIZNES MARAFONI KUNI”

Karyera sari tashlangan bugungi qadam — erta bo‘ladigan muvaffaqiyatlar poydevoridir.

Oliy ta’lim muassasalarida o‘tkazilayotgan karyera tadbirlari yoshlarning kelajak hayotiga mustahkam poydevor yaratishda muhim o‘rin tutadi. Shu maqsadda Tabiiy fanlar fakultetida tashkil etilgan “Karyera va biznes marafoni kuni” bitiruvchi talabalar uchun nafaqat uchrashuv, balki kelajak kasbiy yo‘nalishini belgilashda muhim maydon bo‘lib xizmat qilmoqda.

Marafon doirasida talabalar:

• -ish beruvchilar bilan bevosita suhbatlashdilar,
• -amaliyot o‘rinlari va bo‘sh ish joylari haqida aniq ma’lumot oldilar,
• -o‘zini qiziqtirgan soha vakillariga savollar bilan murojaat qildilar,
• -kelajak kasbiy yo‘nalishini to‘g‘ri tanlash bo‘yicha tavsiyalar oldilar.

Bu jarayon talabaning nafaqat nazariy tayyorgarligini, balki mehnat bozoridagi real talab va kompetensiyalarni chuqurroq anglashiga xizmat qildi.

Tadbirda quyidagi soha vakillari faol ishtirok etdi:

- davlat tashkilotlari mas’ullari,

- bank va moliya sektori mutaxassislari,

- tibbiyot sohasi vakillari,

- ekologiya va gidrometeorologiya bo‘yicha mutaxassislar,

- ishlab chiqarish korxonalari va xususiy sektor yetakchilari.

Ular bitiruvchilarga o‘z sohalarida mavjud bo‘lgan talablar, zarur ko‘nikmalar, karyera yo‘nalishlari hamda ishga qabul qilish tartiblari haqida batafsil ma’lumotlar taqdim etdilar.

“Karyera va biznes marafoni kuni” nafaqat ma’lumot almashish maydoni, balki yosh mutaxassislar uchun o‘z salohiyatini namoyish etish, o‘zini tanitish va kelgusi kasbiy faoliyatni rejalashtirishda muhim qadam bo‘ldi.

Tadbir bitiruvchilarda mas’uliyat hissini kuchaytirdi, kelajakka ishonchini mustahkamladi, shuningdek, mehnat bozorida o‘ziga munosib o‘rin topish uchun motivatsiya berdi.

Fakultetda o‘tkazilgan ushbu marafon bitiruvchi yoshlarga o‘z kasbiy yo‘lini belgilash, professional rivojlanishga qadam qo‘yish va mehnat bozori bilan yaqin tanishish imkonini yaratdi.