Farg`ona davlat universiteti

“ZAKOVAT”: FARDUDA ENG IQTIDORLI TALABALAR BIR SAHNADA

Farg‘ona davlat universitetida talabalar bilimini sinovdan o‘tkazishga, mantiqiy fikrlash va tezkor tafakkurni rivojlantirishga xizmat qiluvchi “Zakovat” intellektual o‘yinining 3-bosqichi bo‘lib o‘tdi. O‘yin yana bir bor yoshlarning intellektual salohiyatini namoyish etuvchi yorqin maydonga aylandi.

Mazkur bosqichda universitetning turli fakultetlaridan saralangan iqtidorli talaba jamoalari ishtirok etdi. Ular:

• -chuqur bilim,
• -tezkor fikrlash,
• -mantiqiy mushohada,
• -jamoaviy hamjihatlik kabi fazilatlarini namoyon etib, o‘zaro bellashdilar. Savollar turli fanlar, tarix, adabiyot, zamonaviy ilm-fan yutuqlari va keng dunyoqarashni talab etuvchi mavzulardan iborat bo‘lib, har bir jamoani sinovdan o‘tkazdi.

O‘yin davomida jamoalar o‘zaro bilim kurashida yuqori faollik ko‘rsatib, har bir savolga bor kuchi bilan intilishdi. Bellashuvlar jarayonidagi qizg‘in muhokamalar, tezkor javoblar va taktik yechimlar tadbirni yanada shiddatli va tomoshabop qildi. Natijada ushbu bosqichda o‘zini eng yaxshi ko‘rsatgan jamoalar keyingi bosqichga yo‘llanma oldi.

“Zakovat” nafaqat musobaqa, balki:

• -talabalarning tafakkur doirasini kengaytirish,
• -mantiqiy fikrlashni rivojlantirish,
• -ilmga bo‘lgan mehrni kuchaytirish,
• -jamoaviy ishlash madaniyatini shakllantirish kabi maqsadlarga xizmat qiluvchi muhim ijtimoiy-ma’naviy platforma hisoblanadi.

Tadbir yakunida g‘olib jamoalar tantanali tarzda e’lon qilindi va ularga “Zakovat” o‘yinining navbatdagi bosqichida ishtirok etish imkoniyati yaratildi. Ularning faol ishtiroki universitetda intellektual muhitni yanada jonlantirishi shubhasiz.