Farg`ona davlat universiteti

1-sonli Talabalar turar joyida “Hech kim mehr va e’tibordan chetda qolmaydi” mavzusida ma’rifiy davra suhbati o‘tkazildi

3-dekabr — Xalqaro nogironlar kuni munosabati bilan FarDUning 1-sonli Talabalar turar joyida “Hech kim mehr va e’tibordan chetda qolmaydi” mavzusida ma’rifiy davra suhbati o‘tkazildi.

Tadbirni Xotin-qizlar masalalari bo‘yicha rektor maslahatchisi M. Kamalova hamda Axborot-resurs markazi bo‘lim mudiri N. Butabayeva tashkil etdi.

Ochiq muloqot davomida talaba-qizlarning fikr va takliflari tinglandi, ARM tomonidan Brayl yozuvidagi yangi kitoblar ko‘rgazmasi taqdim etilib, nogironligi bo‘lgan foydalanuvchilar uchun yaratilgan qulayliklar va imkoniyatlar haqida batafsil ma’lumot berildi.

Tadbir ijodiy ruhda davom etdi — talaba-qizlar she’r va qo‘shiqlari bilan barchaga ko‘tarinki kayfiyat ulashdilar.

Yakunda ishtirokchilarga esdalik sovg‘alari topshirildi.

Mehr, e’tibor va qo‘llab-quvvatlash — jamiyatimizning eng oliy qadriyati!