Farg`ona davlat universiteti

SARHISOB

Farg’ona davlat universitetining Agrar qo‘shma fakulteti rahbariyati tomonidan o‘tkazilgan tantanali marosimda fakultetning eng faol va yutuqli a’zolari taqdirlandi. Ushbu an’ana fakultetimizdagi ilmiy va ta’limiy jarayonlarni rag‘batlantirish, yosh olimlarni qo‘llab-quvvatlash hamda bilimdon ustozlarimizni e’tirof etish maqsadida har yili o‘tkazib kelinadi.

Tantanali marosimda quyidagi nominatsiyalar bo‘yicha faxriylar e’lon qilindi:

• -Eng yaxshi kafedra – o‘z faoliyati bilan nafaqat ilmiy salohiyatini, balki talabalarni tarbiyalashdagi samarali ishlari bilan ajralib turgan kafedralarimizni e’tirof etish.
• -Eng yaxshi yosh olim – ilmiy izlanishlari va innovatsion ishlari bilan fakultet ilm-fanining rivojiga hissa qo‘shgan yosh olimlarimizni rag‘batlantirish.

• -Eng yaxshi faxriy ustoz – uzoq yillar davomida fakultetga sodiq xizmat qilgan, talabalar va hamkasblari orasida hurmat qozongan ustozlarimizga alohida e’tibor.
• -Eng yaxshi ustoz – ta’lim jarayonidagi ijodiy yondashuv, talabalar bilan samarali ishlash va muvaffaqiyatli natijalari bilan ajralib turgan professor-ustozlarimizni tan olish.
• -Eng faol talaba – ilmiy tadbirlar, ijtimoiy loyihalar va fakultet hayotidagi faolligi bilan ajralib turgan talabalarni taqdirlash.

Fakultet rahbariyati ta’kidlaganidek, bunday e’tiroflar nafaqat yutuqni qadrlash, balki ilmiy salohiyatni yanada oshirish, talabalarni motivatsiya qilish va fakultetning obro‘sini yuksaltirishga xizmat qiladi.

Marosim so‘ngida g‘oliblar diplom va esdalik sovg‘alari bilan taqdirlandi. Shu bilan birga, barcha professor-ustozlar va talabalar o‘zlarining fidokorona mehnati va ijodiy yondashuvi bilan fakultetimizning rivojiga hissa qo‘shayotganliklari uchun alohida minnatdorlik bildirildi.