Farg`ona davlat universiteti

Farg’ona davlat universiteti AXBOROT-RESURS MARKAZI: FAOL KITOBXONLIKKA CHORLOV

Ma’lumki, Prezidentimiz tomonidan yoshlarimizni ma’naviy barkamol qilib tarbiyalash, ularning bo‘sh vaqtlarini unumli o‘tkazish borasida ilgari surilgan beshta muhim tashabbusning to‘rtinchisi - kitob mutolaasi va kitobxonlikni rivojlantirishga qaratilgani bilan ahamiyatlidir.

Bu borada Farg‘ona davlat universitetining axborot-resurs markazida olib borilayotgan ishlar harbiy ta’lim fakulteti talabalari nigohida bo‘ldi.

Talabalar dastlab zamonaviy jihozlangan, shinam va barcha shart-sharoitlar yaratilgan axborot-resurs markazi tarixi bilan batafsil tanishdilar.

Shuningdek, tadbir davomida namoyish etilgan “Kitoblar ko‘rgazmasi”, markaz to‘g‘risida to‘liq ma’lumot beruvchi videorolik talabalarda katta qiziqish uyg‘otdi.

АRM xodimlari talabalarga АRMga aʼzo boʼlish tartib-qoidalari, boʼlimlardagi adabiyotlarni olish va saqlash, oʼquv zalidan foydalanish, Аxborot texnologiyalari boʼlimidan elektron variantdagi kitoblarni olish hamda internetdan foydalanish haqida umumiy maʼlumotlar berdilar.

Talabalar bilan qizgʼin suhbatlar oʼtkazildi.