Farg`ona davlat universiteti

FILOLOGIYA FAKULTETI: "Zamonaviy tilshunoslikning yangi yo‘nalishlari"

“INFOLIB UZBEKISTAN-2021” IX Milliy axborot-kutubxona haftaligi doirasida Farg‘ona davlat universiteti filologiya fakulteti tilshunoslik kafedrasining professor-o'qituvchilari ishtirokida "Zamonaviy tilshunoslikning yangi yo‘nalishlari" mavzusida nazariy seminar bo‘lib o‘tdi.

Malakali filolog olimlarning mazkur seminarda namoyish etilgan “Alisher Navoiy – so‘z mulkining sultoni”, “Mahmud Koshg‘ariy – qiyosiy tilshunoslik asoschisi”, “O‘zbek tilidagi forscha-tojikcha o‘zlashmalarning semantik guruhlanishi”, “O‘rta ta’lim maktablarida urg‘u mavzusini o‘qitishda zamonaviy texnologiyalardan foydalanish usullari”, "Nusratnoma – Tavorixi guzida” asari xususida" mavzusidagi ma’ruzalar seminar qatnashchilarida katta qiziqish uyg'otdi.

“INFOLIB UZBEKISTAN-2021” IX Milliy axborot-kutubxona haftaligi doirasidagi tadbirlar viloyatimiz bo’ylab davom etadi.