Farg`ona davlat universiteti

SАN’АTSHUNOSLIK FАKULTETI: talabalarning ota-onalariga tashakkurnoma berildi

Fargʼona davlat universiteti Sanʼatshunoslik fakultetida talabalar va ularning ota-onalari ishtirokida maʼnaviy-maʼrifiy tadbir oʼtkazildi. Unda fakultet professor-oʼqituvchilari va tyutorlar, talaba-yoshlar ishtirok etishdi.

Dastlab ota-onalar bilan farzandlarining universitetda taʼlim olishi uchun yaratilgan shart-sharoitlar, talabalar oldidagi vazifalar, bu borada ota-onalarning masʼuliyati haqida suhbatlashildi.

Tadbir soʼnggida oʼquv yili boshidan darslarda faol ishtirok etgan, oʼzining namunali xulqi, intiluvchanligi bilan oʼrnak boʼlgan bir guruh talabalarning ota-onalariga fakultet rahbariyatining tashakkurnomalari topshirildi.

Bu orqali fakultet va ota-onalar oʼrtasidagi hamkorlik yanada mustahkamlandi.