Fargʼona davlat universitetida viloyat hokimligi bilan hamkorlikda yoshlar maʼnaviyatini yuksaltirish, ularni yot va buzgʼunchi gʼoyalarga qarshi immunitetini oshirishga qaratilgan maʼnaviy-maʼrifiy tadbir oʼtkazildi.
Uni Fargʼona davlat universiteti rektori, pedagogika fanlari doktori, professor Bahodirjon Shermuhammadov ochib, bugungi kunda yosh avlod maʼnaviyati, tafakkurini sogʼlomlashtirishga eʼtibor yanada kuchaytirilgani, oʼgʼil-qizlarning diniy va dunyoviy bilimlarini mustahkamlash, taʼlim muassasasi-oila tarbiyasi mushtarakligi jamiyat rivoji uchun xizmat qilishini taʼkidladi.
Tadbirda viloyat hokimining jamoat va diniy tashkilotlar bilan aloqalar boʼyicha oʼrinbosari Jamshid Xatamov va Toshloq tumani bosh imom-xatibi Shukrullo qori Egamberdiyev oʼz maʼruzalari bilan ishtirok etishdi.
Ochiq muloqot tarzida davom etgan tadbirda talaba-yoshlar oʼzlarini qiziqtirgan savollarga batafsil javob olishdi.
Mazkur maʼnaviy-maʼrifiy tadbir yoshlarning dunyoqarashini sogʼlomlashtirish, tafakkurini kengaytirishga, diniy va dunyoviy bilimlarining boyishiga xizmat qildi.
Barcha huquqlar himoyalangan. © 2025
Iltimos, kuting. Yuklanyapti...
