Farg`ona davlat universiteti

ZOOTEXNIYA FAKULTETIDA “TALABALAR FORUMI 2021” YAKUNI

Alohida ta’kidlash joizki, «2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi»da yoshlarning huquqlarini himoya qilishga qaratilgan quyidagi ustuvor vazifalar belgilandi:

birinchidan, jismonan sog‘lom, ruhan va aqlan rivojlangan, mustaqil fikrlaydigan, Vatanga sodiq, qat’iy hayotiy nuqtai nazarga ega yoshlarni tarbiyalash, demokratik islohotlarni chuqurlashtirish va fuqarolik jamiyatini rivojlantirish jarayonida ularning ijtimoiy faolligini oshirish;

ikkinchidan, o‘rta maxsus, kasb-hunar va oliy ta’lim muassasalari bitiruvchilarini ishga joylashtirish hamda xususiy tadbirkorlik sohasiga jalb etish;

uchinchidan, yosh avlodning ijodiy va intellektual salohiyatini qo‘llab-quvvatlash va ro‘yobga chiqarish, bolalar va yoshlar o‘rtasida sog‘lom turmush tarzini shakllantirish, ularni jismoniy tarbiya va sportga keng jalb etish.

Ushbu vazifalar ijrosi doirasida Farg`ona davlat universiteti Zootexniya fakultetida talabalar ishtirokida besh muhum tashabbus xaftaligi – “Talabalar forumi 2021” tadbirlari o’tkazildi.

Forum doirasida o`tkazilgan tadbirning yakuni sarhisob etilar ekan, 43 nafar talaba-yoshlar shaxmat-shashka, stol tennisi, armresling, 100 metrga yugurish kabi sport musobaqalariga, yosh kitobxon, zakovat tanlovlariga jalb etildi.

Yakun bo’yicha, OITSga qarshi kurash kuni hamda 8 dekabr - O‘zbekiston Respublikasi Konstitutsiyasi qabul qilinganlining 29 yilligi munosabati bilan o’tkazilgan rasmlar va insholar tanlovlari g`oliblariga - talabalarga fakultetning diplom, sertifikatlari va estalik sovg`alari topshirildi.