Фарғона давлат университети ва Қозоғистон Республикаси Л.М.Гумилев номидаги Евроосиё миллий университети ўртасида тузилган ҳамкорлик
09:59, 21.05.2022
Фарғона давлат университети ва Қозоғистон Республикаси Л.М.Гумилев номидаги Евроосиё миллий университети ўртасида тузилган ҳамкорлик шартномаси доирасида Физика-техника факультетининг физика ва технологик таълим кафедраларига Л.М.Гумилев номидаги Евроосиё миллий университетининг профессори Абдураш Тасанович Акилбеков ва доценти Амангелди Магмурович Жунусбековлар 17-20 май кунлари ташриф буюрди. Ташриф доирасида бир қатор ҳамкорлик алоқаларининг кейинги босқичида қилинадиган ишлар белгилаб олинда. Профессорлар томонидан Физика мутахассислиги 1-курс магистр ва Физика ва астрономия ўқитиш методикаси 4-курс, Физика таълим йўналиши 2-3-курс талабаларига ҳамда таълим ва тарбия назарияси ва методикаси мутахассислиги 1-курс магистр ва технологик таълим йўналиши 3-2-курс талабаларига маъруза машғулотлари ўтиб берилди. Янги ўқув йилидан Фарғона давлат университети профессор-ўқитувчилари ва талабаларининг Евроосиё миллий университетига ташрифи бўйича келишувларга эришилди.
