Farg`ona davlat universiteti

​CHEMPIONLAR BILAN UCHRASHUV

Yoshlarda havas, faxr, iftixor, g’ayrat va shijoat tuyg’ularini yuksaltirish maqsadida Jismoniy madaniyat fakultetida oliygoh faxriga aylangan yoshlar bilan "Sportchilar bilan uchrashuv" shiori ostida tadbir tashkil etildi.

Tadbirda yangi o’quv yilida 1-bosqichga qabul qilingan talaba-yoshlar hamda universitetning nomini dunyoga tanitgan bir qator chempionlar ishtirok etdilar.

Jumladan, sportning boks turi bo'yicha Tokio-2020 Olimpiada o'yinlari ishtirokchisi Miraziz Mirzahalilov;

• -Stol tennisi bo'yicha jahon chempioni Nilufar Sotvoldiyeva;
• -Kamondan o'q otish sport turi bo'yicha Osiyo chempionlari Ziyoda Abdusattarova, Zokirjon G'ofurov;
• -Nayza uloqtirish sport turi bo'yicha Osiyo o'yinlari g'olibi Roziya Ergashova;
• -Yengil atletika sport turi bo'yicha хalqaro musobaqalar g'olibi Sitorabegim Qurbonovalar qatnashdilar.

Uchrashuvda, Chempionlar musobaqalar oldidan mashaqqatli tayyorgarliklar jarayonlari hamda musobaqalardagi hayajonli lahzalar haqida to’lqinlanib gapirdilar.

Hayajonli lahzalarga boy tarzda o’tgan uchrashuv qatnashchilarda katta taassurot qoldirdi.