Farg`ona davlat universiteti

“TIL - MILLAT KO’ZGUSI, MILLAT IFTIXORI!”

Ona tili — ezgu fazilatlar, yuksak tuyg'ular manbayi. U inson kamolotida betakror o'rin tutadi. Chunki onalarimiz bizga shu tilda alla aytadi, inson uchun hayotiy zarur bilim va tushunchalarni til vositasida ong-u shuurimizga singdiradi, odob-u axloqimiz, fe'l-atvorimiz til orqali berilgan o'git va nasihatlar asosida shakllanadi. Ayniqsa, inson tafakkurining shakllanishi bevosita til bilan bog'liq. Chunki biz biror-bir narsaning xususiyatlari haqida o'ylaganda har biri aniq bir so'zda ifodasini topgan tushunchalar, fikr va tasavvurlarga tayangan holda uning o'ziga xos tomonlarini anglaymiz.

21- oktabr sanasi - O'zbеk tiliga Davlat tili maqomi bеrilgan kun sifatida Rеspublikamiz miqyosida bayramona ruhda kеng nishonlanmoqda.

Filologiya fakultеti, 2-bosqich, o'zbеk tili yo'nalishi talabalari va tyutorlari bayramona kayfiyat ulashish maqsadida Farg'ona shahridagi "Muruvvat" bolalar maktab- intеrnatida bo'ldilar.

Tadbirda talabalar o'zlarining o'zbеk tiliga bag'ishlangan shе'r, g'azal va qo'shiqlari bilan o'quvchilar ko'ngliga quvonch ulashdilar.