Farg`ona davlat universiteti

HARBIY TA’LIM FAKULTETIDA: YANGI DARSLIK VA O’QUV QO’LLANMALAR

Farg’ona davlat universitetining Harbiy ta’lim fakultetida ta’lim jarayoniga o’zining innovatsion ilmiy izlanishlari bilan samarali hissa qo’shib kelayotgan quyidagi ofitser-o’qituvchilariga litsenziya va sertifikatlar topshirildi.

Jumladan, O’zbekiston Respublikasi Oliy va o’rta maxsus ta’lim vazirligining 2022 yil 9 sentabrdagi 302-sonli buyrug’iga asosan, Harbiy ta’lim fakultetining quyidagi ofitser-o’qituvchilari:

• -zahiradagi podpolkovnik X.Tojiyev – “Umumharbiy nizomlar” nomli darsligi uchun;
• - zahiradagi mayor U.Abdusalomov – Pedagogika oliy o’quv yurtlari harbiy ta’lim yo’nalishlari talabalari uchun “Fuqaro muhofazasi” nomli o’quv qo’llanmasi va darsligi uchun;
• - kapitan Tajibayev M – “Axborot kommunikatsiya texnologiyalarini harbiy ta’lim jarayonida o’qitish nazariyasi” nomli darsligi uchun O’zbekiston Respublikasi Vazirlar Mahkamasi tomonidan litsenziya berilgan nashriyotlarda nashr etishga ruxsat berildi va guvohnomalari fakultet boshlig’i tomonidan taqdim qilindi.

Shuningdek, maxsus tayyorgarlik sikli boshlig’i zahiradagi podpolkovnik A.Mamadalimovga “O’zbekistonda fanlararo innovatsiyalar va ilmiy tadqiqotlar” jurnalida chop etilgan “Amir Temur armiyasining tashkil etilishi va tuzilishi” nomli maqolasi uchun hamda zahiradagi leytenant I.Axunovning “Harbiy xizmatga tayyorlash va vatanparvarlik ruhida tarbiyalash” nomli maqolasi uchun sertifikatlari fakultet boshlig’i tomonidan topshirildi.