Farg`ona davlat universiteti

AKADEMIK BILAN UCHRASHUV

Yosh iqtidor sohiblarini innovatsion ta’limga jalb qilish bo‘yicha olib borilayotgan ishlar samaradorligini oshirish, iqtidorli yoshlarni yetakchi olimlar bilan hamkorlikda faoliyat yuritishi uchun yagona tizim yaratish va shu asosda ilm-fan sohasida yosh kadrlar yetishtirish tizimining uzviyligini ta’minlash maqsadida, yurtimizda ta’lim sohasini rivojlantirishga qaratilgan sezilarli ishlar amalga oshirilmoqda.

Jumladan, ta’limda hamkorlik loyihalarini amalga oshirilishi, “Ustoz-shogird” an’analarini rivojlantirish orqali yoshlarni qo’llab-quvvatlanishi amalda o’z natijasini ko’rsatmoqda.

Farg’ona davlat universitetining Matematika-informatika hamda Fizika-texnika fakultetilari professor-o'qituvchilari, shuningdek, talaba-yoshlar ishtirokida tashkil etilgan uchrashuv maqsadi ham shunga qaratildi. Uchrashuvda O’zbekiston Fanlar Akademiyasi akademigi, fizika-matematika fanlari doktori, professor - Abdulla A'zamov bugunning iqtidorli yoshlarini qo‘llab-quvvatlash, ularning amaliy va innovatsion tadqiqotlarni olib borishlariga imkon yaratish, yangi avlod yosh olimlarini tayyorlash bo‘yicha tizimli ishlarni amalga oshirishda ustozlarning o’rni katta ahamiyatga ega ekani to’g’risida ma’ruza qildi.