Farg`ona davlat universiteti

“MENING KASBIM – MENING FAXRIM”

Inson hayotining ravon va osuda bo’lishida, uning tanlagan kasbi muhim ahamiyatga egadir.

Xususan, Jurnalistika - mashaqqatli va sharafli kasb bo’lib, uning taqdiri hamisha xalq hayoti, el-u yurt quvonchi va tashvishlari, umid va orzu intilishlari bilan bog`liqdir.

Ahmad Farg‘oniy nomidagi Farg‘ona viloyat axborot-kutubxona markazida "Mening kasbim, mening faxrim" mavzusida tashkillangan uchrashuvda ham mana shu bedor kasb fidoyilari suhbatidan bahramand bo`ldilar.

Uchrashuvda jurnalist Madaminjon Solijonov o’zining ma’suliyat va maroqli kasbining serqirraligi, hayot bilan hamnafasligi haqida so’zlar ekan, o’z xalq bilan birga nafas olib ishlash katta sharaf ekanligini ta’kidladi.

Ushbu uchrashuv, jurnalistika sohasiga qiziqqan Farg‘ona davlat universiteti talabalari uchun katta motivatsiya bo’ldi.