Farg`ona davlat universiteti

Nizomga ko‘ra, turnir ikki (saralash va respublika) bosqichda o‘tkazildi.

Turnirning saralash bosqichi 13 noyabr kuni respublikaning 14 ta hududida bir vaqtda o‘tkazilib, unda jami 431 jamoa, 3017 nafar o‘qituvchi qatnashdi. Saralash yakunida barcha hududdan uchtadan (jami 42 ta) jamoa turnirning respublika bosqichiga yo‘llanma oldi.

Respublika bosqichiga yo‘l olgan jamoalar soni ta’lim muassasalari kesimida quyidagicha bo‘ldi:

• 27 ta maktab jamoalari;
• 13 ta OTM jamoalari;
• 2 ta professional ta’lim muassasasi jamoalari.

Turnirning respublika bosqichi 42 ta jamoa ishtirokida 27 noyabr kuni Toshkent shahridagi Yoshlar ijod saroyida o‘tkazildi.

Shiddatli kurashlar va his-hayajonga boy o‘tgan musobaqa yakunida quyidagi jamoalar sovrinli o‘rinlarni egalladi:

• 1-o‘rin - Farg‘ona davlat universiteti jamoasi;
• 2-o‘rin - Chirchiq davlat pedagogika universiteti jamoasi;
• 3-o‘rin - “Sodiq school” xususiy maktabi jamoasi.

G‘olib jamoalar quyidagi miqdorda taqdirlandi:

• 1-o‘rin - 100 mln so‘m;
• 2-o‘rin - 60 mln so‘m;
• 3-o‘rin - 40 mln so‘m.