Farg`ona davlat universiteti

KAMONCHILARIMIZ OSIYO KUBOGI SOVRINDORI

Kamonchilarimiz Osiyo kubogida sovrindor boʻldilar.

Ayni kunlarda Birlashgan Arab Amirligining Sharja shahrida kamondan otish boʻyicha Osiyo kubogi bosqichi yakuniga yetdi. Quvonarlisi, unda ishtirok etgan hamyurtlarimiz miks dasturida shohsupaga koʻtarilishdi.

Farg'ona davlat universitetining Jismoniy madaniyat fakulteti talabasi Ziyodaxon Abdusattorova hamda Amirxon Sodiqov juftligi dastlab Iroqni 5:1 hisobida magʻlubiyatga uchratdi.

Hamyurtlarimiz chorak finalda tarkibi turli boʻlsada, mazkur yoʻnalishda Tokio-2020 Olimpiadasida gʻalaba qozongan Koreya Respublikadan 6:2 hisobida ustun kelishdi.

Biroq yarim finalda Xitoy Taipeyi vakillariga 4:5 hisobida imkoniyat boy berildi. Bronza medali uchun kechgan bellashuvda esa Bangladesh 5:3 hisobida magʻlub etildi.