Farg`ona davlat universiteti

BAHOR BAYRAMI

Bahor elchisi hisoblangan sumalak, xalqimizning azaliy, milliy taomlaridan biri bo’lib, uni tayyorlash ancha murakkabdir.

Shuning uchun ham sumalak ko’pchilik mehnati bilan mehri bilan pishiriladi. Ushbu bahoriy taom xalqimiz urf-odati, hayoti va an’anasiga aylangan tarixiy taomlardan sanaladi. Shukrona, mehr-oqibat bayrami sanalgan sumalak sayli yoshlar qalbida milliy qadriyatlarimizga nisbatan hurmat ruhida tarbiyalashda katta ahamiyatga ega. Talaba-yoshlar qalbida milliy an’analarimizga hurmat tuyg’ularini kuchaytirish maqsadida Farg'ona davlat universitetining Sirtqi ta'lim bo'limida talaba-yoshlar ishtirokida "Bahor sog'inchi" deb nomlangan bayram tadbiri bo'lib o'tdi.

Ushbu bahoriy ayyomni kirish so'zi bilan ochib bergan Farg'ona davlat universiteti rektori - Bahodirjon Shermuhammadov oliygohda amalga oshirilayotgan bunyodkorlik ishlariga alohida to'xtalib o'tdi va talabalarni vatanparvarlik hamda fidoyilikka da'vat etdi.

Tadbir davomida bo'lim jamoasi tomonidan ezgu niyatlar bilan talaba-yoshlar uchun "SUMALAK SAYLI" ham o'tkazildi. Iste’dodli talabalar tomonidan jonli ijrodagi milliy kuy-qo‘shiqlar tadbirning shukuhini ko‘tarinkilik baxsh etdi.