Farg`ona davlat universiteti

“ZULFIYAXONIM – HAYOT KUYCHISI ”

Zulfiyaxonim bosib oʻtgan yoʻl – shodlik, baxt va yoʻqotishlar, doʻstlar, ustoz-shogirdlar, qilingan ishlar va amalga oshmagan rejalar, safar taassurotlari bilan boy koʻngil yoʻli boʻldi. U turmushning mashaqqatli va zalvorli yoʻllarini kechib, oʻrik gullari, koʻklam chechaklarining nafosati, goʻzalligidan ilhom olib, barchasini sheʼrga soldi. Shuning uchun ham sheʼrlari qalbimizda hanuzgacha jaranglaydi, shogirdlari opani har yili mehr bilan yodlaydi.

Bugungi istiqlol kunlarida shoira ijodining yangi-yangi qirralari shogirdlari tomonida namoyon bo`lmoqda. Zulfiyaxonimning hayoti va ijodi barcha xotin-qizlar uchun katta ibrat maktabi bo’lib kelmoqda. Nеgaki, uning hayotidagi mеhnatsеvarligi, doimo olg’a intilishi, sеvgi bobida sadoqatli yor ekanligi, badiiy ijod borasida tinimsiz izlanuvchanligi hamda hayot qiyinchiliklarida esankiramasligi, erishilgan yutuqlar oldida o’zini yo’qotmasligi har qanday qiz yoki ayol qalbida havas uyg’otadi.

Serqirra ijodkor Zulfiya Isroilova tavalludining 108 yilligi Farg’ona davlat universitetining Tarix fakultetida ham ko’tarinki ruhda nishonlandi.