Farg`ona davlat universiteti

AYOL BORKI, OLAM MUNAVVAR!

Ayol! Ona! Bu hayotning yaratuvchisi, uni mukammal etguvchi zotdir. Hayot aslida onadan boshlanadi. Ona bor ekan, beshik tebranadi, allalar aytiladi. Ayol sha’niga aytilayotgan hamdu sano, ta’rifu tavsiflarning chek-chegarasi yo‘q. Dunyo taqvimida shunday kun borki, bu kunda mo`tabar onajonlar ulug`lanadi, ayollar, opa-singillarga esa hurmat ko`rsatiladi. Bu albatta, umumbashariy miqyosda o`tkaziladigan bahorning ilk kunlarida nishonlanuvchi “Xalqaro xotin-qizlar kuni”dir.

Mazkur sana munosabati bilan Farg’ona davlat universitetidaning barcha fakultetlarida ham ko’tarinki ruhda bo’lib o’tdi. Erta tongdan kuy-qo’shiqlar sadosi ostida gullar dastasi bilan oliygoh yigitlari tomonidan kutib olingan Muhtarama ayollar va talaba-qizlarga bahoriy bayramona kayfiyat ulashdilar.

Xususan, Oliygohning Yoshlar ittifoqi jamoasi, Fizika-texnika fakulteti hamda Agrar qo‘shma fakultetilarda tashkillangan bayram tabriklari oliygoh xotin-qizlarini quvontirdi.