Farg`ona davlat universiteti

​XALQARO HAMKORLIK

Xalqaro hamkorlik doirasida joriy 3–14-mart kunlari Xitoyning Loyan ilmiy tadqiqot instituti olimlari L.Bin va V.Xianqiu Farg’ona davlat universitetining Tarix fakulteti Jahon tarixi kafedrasida tarix va arxeologiya ta’lim yo‘nalishi talabalari hamda magistrlariga dars mashg‘ulotlarini o‘tkazishdi.

Tashrif davomida ikki muassasa o‘rtasida hamkorlikni yanada mustahkamlash, shu jumladan, talabalar va o‘qituvchilar almashinuvi, talabalar amaliyotini Loyan instituti ob’yektlarida o‘tkazish, Jahon tarixi kafedrasi qoshidagi ilmiy markaz moddiy-texnik bazasini mustahkamlash, vodiy hududidagi arxeologik yodgorliklarni muzeylashtirish, ilmiy va o‘quv-uslubiy materiallarni yaratish, tayyorlanayotgan kadrlar saviyasi va malakasini xalqaro standartlarga yaqinlashtirishda o‘zaro hamkorlik qilish bo‘yicha kelishuvga erishilib, bu boradagi shartnoma matni imzolash uchun tayyorlandi.

Hamkorlik shartnomasini joriy yilning may oyida Farg‘ona davlat universitetida imzolanishiga kelishib olindi.