Farg`ona davlat universiteti

XALQARO UCHRASHUV

Xalqaro hamkorliklarni keng yo’lga qo’yish va rivojlantirish hamda Agrar sohada xorijiy oliy ta'lim muassasalarining sa'y-harakatlarni birlashtirish, xalqaro hamkorlikni jadallashtirish maqsadida Rossiyaning Sibir federal universiteti rektori Rumyantsev Maksim Valeryevich hamda o‘quv ishlari bo‘yicha prorektori Guts Denis Sergeyevichlar - Farg'ona davlat universitetiga rasmiy tashrif bilan keldilar.

Tashrif davomida mehmonlar Sibir federal universiteti haqida batafsil ma'lumotlar berdilar va o‘zaro hamkorlikni kuchaytirish taklifini bildirdilar.

Muzokaralar davomida Sibir federal universitetining agrar sohadagi ilmiy-amaliy loyihalari, malaka oshirish va stajirovka kurslari, ilmiy jurnallari haqida suhbat bordi.

Shuningdek, ular Fizika-texnika fakulteti o‘quv va ilmiy laboratoriyalari bilan tanishdilar.