Farg`ona davlat universiteti

Talabalar ligasi

Bugun Farg‘ona davlat universitetida Yoshlar masalalari va ma’naviy-ma’rifiy ishlar bo’yicha birinchi prorektor Z.Rahimov hamda ma’naviy-ma’rifiy tizim mas’ullari ishtirokida yig‘ilish bo‘lib o‘di. Yig‘ilishda asosiy masala yoshlar orasida sportni ommalashtirish va oliygohdagi sport to‘garaklari faoliyatini yanada rivojlantirishga qaratildi. Shu maqsadda fakultetlar tizimida beshta sport turi bo‘yicha terma jamoalarni shakllantirish va yil davomida musobaqalar tashkillab borishga kelishib olindi. G‘olib jamoalar ichidan “Eng zo‘r fakultet”, “Eng yaxshi jamoa”, “Eng yaxshi murabbiy” larni aniqlash va rag‘batlantirib borish, murabbiy va jamoalar orasida sog‘lom raqobatni kuchaytirish haqida fikrlar bildirildi. Har bir jamoa o‘z logotipi va sport kiyimiga ega bo‘lishi lozimligi ta’kidlandi. Endilikda talabalar ligasi universitetda o‘z faoliyatini boshlaydi va dastlabki haftada shaxmat musobaqalari o‘tkaziladi. Bundan tashqari talabalar turar joyida istiqomat qilayotgan talabalar uchun ertalabki badantarbiya mashg‘ulotlarini tashkillash masalasi ham ko‘rib chiqildi.