Farg`ona davlat universiteti

Chet tillari fakultetida Navro’z bayrami

Bahorning shifobaxsh taomi, ko‘klam ne’mati bo‘lgan sumalak xalqimizda Navro’z dasturxonining ko‘rki hisoblanadi. Sumalakli doshqozonlarsiz bu bayramni tasavvur etib bo‘lmaydi. Shu munosabat bilan Chet tillari fakultetida tashkil etilgan Navro‘z bayramida el - yurtning ezgu niyatlarini o‘zida mujassamlagan sumalaktaomi tayyorlandi.Tadbirda ishtirok etgan Farg'ona davlat universiteti rektori Bahodirjon Shermuhammadov talaba-yoshlarni bahoriy ayyom bilan tabriklab, ularni bunyodkorlik, vatanparvarlik astoydil ilm olish va kelajakda vatanimiz ravnaqiga o‘z hissasini qo‘sha oladigan yetuk va barkamol kadrlar bo‘lib yetishishlari lozimligini ta’kidladi.

Shuningdek, fakulteti talaba-yoshlari uchun Talabalar turar joyida "Assalom Navro'z" bayram sayli bo'lib o'tdi. Bayram davomida o'zbekona palov tayyorlanib, talabalar tomonidan turli chiqishlarga boy musiqiy dastur namoyish etildi.