Iqtisodiyot fakulteti tashabbusi bilan “Shakarqishloq” mahalla fuqarolar yig‘inida istiqomat qilayotgan yoshlar ishtirokida qiziqarli va jo‘shqin “Sport musobaqalari” o‘tkazildi. Ushbu tadbir mahallada sog‘lom turmush tarzini targ‘ib qilish, yoshlar o‘rtasida sportga bo‘lgan qiziqishni oshirish hamda do‘stona muhit yaratishga xizmat qildi.
Musobaqalarda turli yoshdagi ishtirokchilar o‘z mahoratini namoyon etib, chaqqonlik, kuch va jamoaviy ruhda bellashdilar. Tadbir davomida sport faqat musobaqa emas, balki sog‘liqni mustahkamlash, intizom va irodani shakllantirish vositasi ekani yana bir bor o‘z isbotini topdi.
Shu bilan birga, Jismoniy madaniyat fakulteti talabalari tomonidan “Dolzarb 90 kun” loyihasi doirasida mahalladagi maktab o‘quvchilari uchun boks sport turi bo‘yicha muntazam to‘garak mashg‘ulotlari o‘tkazib kelinmoqda. Bu mashg‘ulotlar yosh avlodning jismoniy tayyorgarligini oshirish, ularni yomon odatlardan yiroqlashtirish va sport orqali sog‘lom hayotga yo‘naltirishga qaratilgan.
Tashabbuskorlar ta’kidlaganidek, bunday tadbirlar nafaqat yoshlarning sportdagi salohiyatini oshiradi, balki ularning bir-biriga bo‘lgan hurmatini, jamoada ishlash madaniyatini va o‘z maqsadiga erishish yo‘lida qat’iyatini kuchaytiradi.
Barcha huquqlar himoyalangan. © 2025
Iltimos, kuting. Yuklanyapti...
