Farg`ona davlat universiteti

REKTOR NUTQI: MILLIY QADRIYATLAR – BEBAHO MEROS

Taqdirlash marosimida universitet rektori Bahodirjon Shermuhammadov so‘zga chiqib, globallashuv jarayonida milliy qadriyatlarni asrab-avaylash masalasiga alohida urg‘u berdi:

“Milliy qadriyatlarimizni asrab-avaylash va ularni kelajak avlodga bezavol yetkazish har birimizning muqaddas burchimizdir. Bugungi festival nafaqat sport musobaqasi, balki tariximizga bo‘lgan yuksak hurmat namunasidir.”

Mazkur fikrlar tadbirning nafaqat sport, balki ma’naviy-ma’rifiy ahamiyatga ega ekanini yana bir bor tasdiqladi.

Musobaqa davomida yuqori natijalarga erishgan, faolligi va intilishi bilan tengdoshlariga o‘rnak bo‘lgan talabalar universitet rahbariyati tomonidan tantanali ravishda taqdirlandi. G‘oliblarga:

• faxriy diplomlar
• maxsus medallar
• esdalik sovg‘alari

topshirildi.

Bu e’tirof talabalar uchun katta rag‘bat bo‘lib, ularni yanada yuqori natijalarga intilishga undaydi.

“Rektor kubogi” nafaqat sport bellashuvi, balki yoshlarning jamoaviylik, do‘stlik va sog‘lom turmush tarziga bo‘lgan qiziqishini oshirishga xizmat qildi. Shu bilan birga, milliy an’ana va qadriyatlarga hurmat ruhini mustahkamladi.

Mazkur tadbir yana bir bor yoshlarning salohiyati, intilishi va yuksak maqsadlari borligini namoyon etdi. Universitetda tashkil etilayotgan bunday keng ko‘lamli loyihalar esa yoshlarni har tomonlama qo‘llab-quvvatlash, ularni barkamol shaxs sifatida tarbiyalashga xizmat qilmoqda.