Farg`ona davlat universiteti

1. Bosh sahifa

Talabalar amaliyoti bo`limi

Bo’lim boshlig’i: Raxmatov G‘ulomjon Raxmonberdiyevich

1982 yil 11 mayda Farg‘ona viloyati, Quva tumanida tug‘ilgan

Ish telefoni: 244-44-64

E-mail::g.r.raxmatov@pf.fdu.uz

Talabalar amaliyoti bo‘limi faoliyati xaqida:

Talabalar amaliyoti bo‘limida xozirgi kunda 3 nafar xodim faoliyat ko‘rsatmoqda: Talabalar amaliyoti bo‘limi boshlig‘i, 3 ta bosh mutaxassisdan iborat. Ushbu bo‘limni xozirgi kunda Raxmatov G‘ulomjon boshqarib kelmoqda.

Raxmatov G‘ulomjon Raxmonberdiyevich

Texnika fanlari bo‘yicha falsafa doktori, dotsent

1982 yil 11may, Farg‘ona viloyati, Quva tumanida tug‘ilgan

Ma’lumoti bo‘yicha mutaxassisligi: oliy, yarimo‘tkazgichlar va dielektriklar fizikasi

Shuningdek ushbu bo‘limda:

Talabalar amaliyoti bo‘limi bosh mutaxassisi

Xolmatova Muxtasar Nabiyevna

1978 yil 12-mart, Farg‘ona viloyati, Farg‘ona shahrida tug‘ilgan

Ma’lumoti bo‘yicha mutaxassisligi: o‘rta maxsus buxgalteriya xisobi va taftish

Talabalar amaliyoti bo‘limi bosh mutaxassisi

Jurayeva Munira Vaxabdjanovna

1983 yil 7-aprel, Toshkent viloyati, Oqqo‘rg‘on tumanida tug‘ilgan

Ma’lumoti bo‘yicha mutaxassisligi: o‘rta maxsus iqtisodchi (Toshkent Iqtisodiyot va texnologiyalari Universiteti Namangan filiali) 2-kurs talabasi

Talabalar amaliyoti bo‘limi bosh mutaxassisi

Astanaqulova Zebiniso Abduraxim qizi

1995 yil 1-iyul, Farg‘ona viloyati, Rishton tumanida tug‘ilgan

Ma’lumoti bo‘yicha mutaxassisligi: o‘rta maxsus buxgalteriya xisobi va audit (Qo‘qon Universiteti) 3-kurs talabasi

Vazifalar: taqismlangan fakultetlar bitiruvchi kurs talabalari demografik ma’lumotlarini shakllantirish, bo‘sh ish o‘rinlari bazalarini bitiruvchi kurs talabalariga muntazam yetkazib borish, ta’lim yo‘nalishlar kesimida “Karyera kuni” uchrashuvlarini tashkillash hamda ishtirok etish, hemis dasturida muntazam ravishda bitiruvchilarni ishga joylashish holati bo‘yicha integratsiyani amalga oshirish, bitiruvchi kurs talabalarni o‘qishni bitirgandan so‘ng bitiruv (aylanma) varag‘ini rasmiylashtirish, diplom ko‘chirma va ishga yo‘llanma blankalarini rasmiylashtirish, davlat granti asosida o‘qishni bitirgan bitiruvchilarga 3 yil muddatdan so‘ng diplom berish ishlarini amalga oshirish, ish beruvchi tashkilot, korhona va muassasalar bilan hamkorlik shartnomalarini rasmiylashtirish, malakaviy amaliyot buyruqlarini nazoratga olish, amaliyot jarayonini muntazam ravishda monitoring qilib borish, amaliyot hujjatlar yig‘ma jildlarini nazoratdan o‘tkazib borish ishlarini olib boradi.

2024 yil bitiruvchilari to‘grisida ma’lumot

Marketing xizmati bo‘limi maqsad va vazifalari:

• Farg’ona davlat universitetida tayyorlanayotgan oliy ma’lumotli kadrlarga korxona muassasa va tashkilotlarni ehtiyojini o’rganish asosida ma’lumotlar ba’zasini shakllantirish;
• Oliy ta'lim muassasasida tayyorlanayotgan oliy ma'lumotli kadrlarga korxona, muassasa va tashkilotlaming ehtiyojini o'rganish asosida ma'lumotlar ba'zasini shakllantirish;
• Bakalavriat yo'nalishlari va magistratura mutaxassisliklari bo'yicha bitiruvchilarga talab va takliflar nisbatini o'z ichiga olgan holda ta'lim xizmatlari iste'molchilari (ish beruvchi korxonalar, turli mulkchilik shakliga ega bo'lgan tashkilotlar - davlat va mahalliy boshqaruv organlari, davlat va nodavlat tashkilotlari va h.k.) tuzilmasini baholash, geografik joylashishini aniqlash va guruhlash, potensial imkoniyatlarini tashxis qilish orqali to'liq ma'lumotlar bankini yaratish;
• Tayyorlanayotgan kadrlar sifatini oshirishga taalluqli dolzarb masalalami oliy ta'lim muassasasining Kengashlarida muhokamaga qo'yish uchun kiritish, bu borada oliy ta'lim muassasasining tegishli bo'limlari bilan hamkorlik qilish;
• Oliy ta'lim muassasalarida kadrlar tayyorlash va davlat granti asosida bitiruvchilami ishga taqsimlash monitoringini yuritish.

FARG‘ONA DAVLAT UNIVERSITETI

MALAKAVIY AMALIYOT O‘TASHLARI BO‘YICHA

RASMIYLASHTIRILGAN SHARTNOMALARI

RO‘YHATI

Tarix fakultetida 2024-yil 18-mart kuni Ijtimoiy ish ta’lim yo‘nalishi bitiruvchi kurs talabalariga “Karera kuni” uchrashuvi o‘tkazildi. Tadbirda Fakultet dekani X.Jo‘rayev, Farg‘ona Ijtimoiy himoya milliy agentligi boshqarma boshlig‘i E.Asronqulov, Farg‘ona budjetdan tashqari pensiya jamg‘armasi boshqarma boshlig‘i Z.Akramovlar ishtirok etdi.

---

Joriy yilning 21 dekabr kuni O‘zbekiston Respublikasi Prezidenti huzuridagi Davlat xizmatini rivojlantirish agentligi Farg‘ona viloyati filiali tomonidan Farg‘ona davlat universitetida bitiruvchi kurs talabalar va yoshlar ishtirokida “Davlat xizmatiga ochiq yo‘l” mavzusida ochiq muloqot tashkil etildi.

O‘zbekiston Respublikasi Administratsiyasining 2023-yil 7-fevraldagi 02-РА 1/1-254 son topshirig‘i bilan tasdiqlangan “Oliy ta’lim muassasalarida talaba-yoshlar bilan ishlash samaradorligini oshirish va ularning bo‘sh vaqtini mazmunli tashkil etishga qaratilgan yagona tadbirlar kalendar rejasi”ning 23-bandi ijrosini ta’imnlash maqsadida Iqtisodiyot fakultetida “Biznes marafon” motivatsion trening tashkil etildi.

Treningda ish beruvchi Farg‘ona viloyat savdo-sanoat palatasi, “Dilrabo-trevel” oilaviy korxona, Asia alliance bank, O‘zsanoatqurilish bank va O‘zbekiston Respublikasi kambag‘allikni qisqartirish va bandlik vazirligi Farg‘ona “Ishga marhamat” monomarkazlarning mas’ul hodimlari ishtirok etdi.

Treningda talabalarni tadbirkorlikka, biznes loyiha tuzish, iqtisodiyot sohasida kutilayotgan yangiliklar, monomarkazda bepul o‘qitilayotgan kurslar bo‘yicha berilgan savollarga javoblar berildi.

Ish beruvchilar (iste’molchilar) ga axborotlar vositasida ta’sir ko‘rsatish yo‘llarini tanlash, ommaviy axborot vositalari orqali bitiruvchilar to‘grisidagi ma’lumotlarni e’lon qilinishini ta’minlash maqsadida universitetni 2023-yilda bitirishi kutilayotgan bitiruvchilarning viloyatlar, tuman va shaharlar kesimidagi sonli ma’lumot Yangi Farg‘ona gazetasining 2023-yil 19-apreldagi 31-sonida nashr qilindi.

Farg‘ona davlat universitetida 2023-yil 3-may kuni

“Karyera kuni” mehnat yarmarkasi

o‘tkazildi

Mamlakatning iqtisodiy barqarorligiga erishish va aholining turmush darajasini yuksaltirish ko‘p jihatdan ishchi kuchi bandligini ta’minlash va undan samarali foydalanish bilan bevosita bog‘liqdir. Shuningdek, bugungi kunda har qanday mamlakatning jahon bozorida raqobatbardoshligini ta’minlash nafaqat tabiiy resurslarning mavjudligiga, balki, birinchi navbatda, zamonaviy, texnologiyalarni o‘zlashtirishga qodir yuksak bilimli va malakali ishchi kuchini doimiy tayyorlab borishni taqozo etmoqda.

O‘zbekiston Respublikasi Prezidenti Administratsiyasi rahbarining 2023-yil 7-fevraldagi №02-РА 1/1-254 son topshirig‘i hamda Oliy ta’lim, fan va innovatsiyalar vazirligining 2023-yil 28-fevraldagi 4/18-1/9-25 sonli xatiga asosan “Karyera kuni” mehnat yarmarkasi o‘tkazilishi belgilangan.

Mazkur yarmarkadan ko‘zlangan asosiy maqsad:

• bitiruvchilarning o‘z mutaxassisliklari bo‘yicha ishga joylashtirish;
• iqtidorli va qobiliyatli bitiruvchi yoshlarni kasbiy va ilmiy-tadqiqot ishlariga keng jalb etish;
• yoshlarning ijodiy va intellektual salohiyatini ro‘yobga chiqarish uchun zarur shart-sharoit yaratish;
• yoshlarni mamlakatimizda amalga oshirilayotgan ijtimoiy-siyosiy va iqtisodiy jarayonlar, demokratik oʻzgarishlar bilan yaqindan tanishtirish;
• yurtimizda amalga oshirilayotgan islohotlarga daxldorlik tuygʻusini shakllantirish va ijtimoiy faolligini oshirish;
• davlatimiz tomonidan yoshlarga yaratib berilgan imkoniyatlar, shart-sharoitlarni yoshlar oʻrtasida keng targʻib etish;
• mavjud imkoniyatlardan unumli foydalana olish masʼuliyati ularning oʻz zimmasida ekanligini atroflicha tushuntirish orqali yoshlar oʻrtasida boqimandalik kayfiyatini yoʻqotish;
• yoshlarda tadbirkorlik koʻnikmalarini shakllantirish;
• mamlakatimiz ijtimoiy-iqtisodiy, madaniy taraqqiyotiga oʻz hissasini qoʻshayotgan isteʼdodli yosh ijodkorlar, ilm-fan sohalarida yutuqlarni qoʻlga kiritgan iqtidorli, ijtimoiy faol yoshlarni har tomonlama qoʻllab-quvvatlash;
• yoshlarning dunyoqarashi va fikrlash doirasini yanada kengaytirish, ularning maʼnaviy barkamol shaxs boʻlib, jamiyatda oʻz oʻrinlarini topishlari hamda oʻzlari qiziqqan sohaning yetuk mutaxassislari boʻlib yetishishlarida koʻmaklashishga amaliy yordam berishdan iborat.

Hozirda Farg‘ona davlat universitetida talaba-yoshlar uchun «Karyera kuni» mehnat yarmarkasi o‘tkazilyapti.

So‘nggi yillarda mamlakatimizda aynan ta’lim sohasini, inson kapitalini rivojlantirishga alohida e’tibor qaratilayotgani bejiz emas. Zero, mamlakat kelajagi, barcha sohalar muvaffaqiyati bilimli, zamonaviy fikrlaydigan, o‘z sohasining ustalari bo‘lgan kadrlarga bog‘liq.

Tadbirda ishtirok etayotgan Farg’ona viloyat hokimining o’rinbosari Jamshid Xatamov o’z so’zida bitiruvchilarni bugungi kun talabiga javob beradigan raqobatbardosh kadrlar qilib tayyorlashda keng ko‘lamli ishlar amalga oshirilayotganligi, ularni sifatli ta’lim olishlari uchun mamlakatimizda yaratilayotgan shart-sharoitlar xususida batafsil to’xtalib o’tdi.

“Karyera kuni” mehnat yarmarkasi davomida ish beruvchi korxona va tashkilotlar tomonidan mavjud ish o‘rinlari taklif etildi. O‘z navbatida ish beruvchi vazirlik, muassasa, tashkilot va korxonalarga universitet tomonidan bitiruvchilar haqidagi ma’lumotlar ish beruvchilar e’tiboriga 2023-yil 19-apreldagi “Yangi farg‘ona” gazetasining 31-sonida havola qilindi.

Tadbir davomida yirik kompaniya vakillari tomonidan mahorat darslari o‘tkazildi.

Shuningdek, yarmarka davomida innovatsion hamkorlik doirasida muammoli mavzular bo‘yicha tadqiqotlar olib borish, o‘quv rejalariga amaliyotchi mutaxassislar takliflarini e’tiborga olgan holda o‘zgartirishlar kiritish, talabalarning malakaviy amaliyoti va tajriba oshirishini tizimli ravishda tashkil etish masalalari ko‘rib chiqildi.

Jumladan, amaliyotchi mutaxassislarni dars mashg‘ulotlariga jalb qilish, bitiruv malakaviy ishlari va magistrlik dissertatsiyalarini korxona va tashkilotlar taklifini hisobga olgan holda tayyorlash jarayonlari muhokama qilindi.

Bitiruvchilarni bugungi kun talabiga javob beradigan raqobatbardosh kadrlar qilib tayyorlashda keng ko‘lamli ishlar amalga oshirilayotganligi, ularni sifatli ta’lim olishlari uchun mamlakatimizda yaratilayotgan shart-sharoitlar, malakaviy amaliyotlarni samarali tashkil etish mexanizmini tubdan takomillashtirilayotganligi, amaliyotlarni o‘tagan korxona va tashkilotlarga ishga joylashishlari shuningdek, kelajakda ish joylariga tez ko‘nikishlariga amaliy yordam berishi, yosh mutaxassislarning kasbiy bilim va tajriba to‘plashlarida sohaning yetuk mutaxassislari bilan hamkorlikda ishlab ustoz-shogird tizimini keng yo‘lga qo‘yish zarurligi ta’kidlab o‘tildi.

Yarmarkada Farg‘ona viloyat hokimligi, O‘zbekiston Respublikasi Oliy ta’lim, fan va innovatsiyalar vazirligi Farg‘ona viloyat hududiy boshqarmasi, Farg‘ona viloyati kambag‘allikni qisqartirish va bandlik bosh boshqarmasi, Farg‘ona viloyat maktabgacha va maktab ta’limi boshqarmasi, Yoshlar ishlari agentligi Farg‘ona viloyat boshqarmasi, Prezident huzuridagi davlat xizmatini rivojlantirish agentligi Farg‘ona viloyati filiali, Farg‘ona viloyat “Ishga marhamat” monomarkaz, Ekologiya, Moliya, Markaziy bank, Soliq, Axborot texnologiyalari, Qishloq ho‘jaligi, Turizm, Ichki ishlar, Madaniyat, Favqulodda vaziyatlar, Sirdaryo-So‘x irrigatsiya tizimlari havza boshqarmalari, Tasviriy oyna Farg‘ona viloyat bo‘limi kabi yirik ish beruvchilar yosh mutaxassislar uchun bo‘sh ish o‘rinlarini taqdim etdi.

Yarmarka davomida bitiruvchilarining bandligini ta’minlash, ularning kelgusidagi ish o‘rinlarini aniqlash maqsadida yirik korxonalarning bo‘sh ish o‘rinlari taqdimoti o‘tkazildi, ish beruvchilar bilan bitiruvchilarning bevosita suhbatlari bo‘ldi.

Natijada ish beruvchilar va 7 mingdan ziyod talabalar o’rtasida suhbatlar o‘tkazilib, ularning ishga joylashishishi, amaliyot o‘tashlari uchun yo‘llanmalar berildi.

O‘zbekiston Respublikasi Prezidentining 2023-yil 26-aprelda “Yoshlarning bandligiga ko‘maklashish hamda ularni doimiy ish bilan ta’minlashga oid qo‘shimcha chora-tadbirlar to‘g‘risida” PF-61 son farmoni rasmiylashtirildi.

Farmonda Yoshlarning mustaqil hayotga qadam qo‘yishlari, o‘z iqtidori va salohiyatini to‘liq namoyon etishlari uchun sharoitlarni kengaytirish, ularning bandligiga ko‘maklashish, doimiy ish bilan hamda munosib daromad olishini ta’minlash borasida olib borilayotgan islohatlarni izchil davom ettirish maqsad qilib olingan.

Yuklab olish....

O‘zbekiston Respublikasi Oliy ta’lim, fan va innovatsiyalar vazirligining 2023-yil 4-apreldagi 4/18-4/1-1111-son topshirig‘iga binoan Farg‘ona yoshlar agentligida 2023-yil 15-may kuni “Ta’lim va mutahassislik 2023” ko‘rgazmasida universitet marketologi va marketing bo‘lim bosh mutahassislari hamda universitetga biriktirilgan Oltiariq sanoat texnikumi, Farg‘ona ko‘p tarmoqli texnikum va Farg‘ona davlat universiteti qoshidagi akademik litsey bitiruvchi o‘quvchilari ishtirok etdi.

Ko‘rgazmada 14 nomdagi halqaro oliygohlar o‘zlarining qabul 2023 taqdimotlari bilan ishtrok etdi. Taqdimotda har bir oliyogohlarning o‘zlarining qabul 2023 rejalari, ta’lim yo‘nalishlari, abituriyentlarga ajratilgan maqsadli kvota rejalar, imtiyozlar, to‘lov-kontrakt summalari va boshqa holatlar bo‘yicha ma’lumotlar yetkazildi.

2023-yil 19-may kuni Prezident huzuridagi davlat xizmatini rivojlantirish agentligi Farg‘ona viloyat filiali hodimlari bilan Farg‘ona davlat universiteti bitiruvchi kurs talabalari uchrashuvi bo‘lib o‘tdi

2023-yil 19-may kuni bitiruvchi kurs talabalari bilan Prezident huzuridagi davlat xizmatini rivojlantirish agentligi Farg‘ona viloyat filiali hodimlari “Davlat fuqarolik hizmatiga kirish” mavzusida ochiq muloqat o‘tkazdi.

Muloqatda quyidagi mavzular ochiqlandi:

1.“El-yurt umidi” jamg‘armasining ochiq stipendiya tanlovlarini o‘tkazish tartibi, ajratilgan kvotalar, ustuvor yunalishlar, tanlovni tashkil etish mexanizmi;

2."Davlat fuqarolik xizmati to‘g‘risida”gi qonun mazmun-mohiyati;

3.Davlat xizmatiga kirishda tanlov tizimi;

4.hrm.argos.uz elektron platformasidan foydalanish tartibi va boshqa dolzarb mavzular.

O‘zbekiston Respublikasi oliy ta’lim, fan va innovatsiyalar vazirligining 2023-yil 25-apreldagi 2/10-2/15-73-son xati ijrosi bo‘yicha

Farg‘ona davlat universitetida amalga oshirilgan ishlar

to‘g‘risida ma’lumot

O‘zbekiston Respublikasi Bosh vazirining 2023-yil 25-martdagi 06/1-525-sonli topshirig‘iga muvofiq Oliy ta’lim, fan va innovatsiyalar vazirligi tasarrufidagi oliy ta’lim muassasalarga xotin-qizlar qamrovini yanada oshirish vazifasi belgilangan.

Ushbu topshiriq ijrosini ta’minlash borasida universitetning 2023-yil 16-martdagi №212 sonli buyrug‘i rasmiylashtirilgan.

Buyruqda O‘zbekiston Respublikasi Vazirlar Mahkamasining 2020-yil 23-iyundagi “Oliy ta’lim muassasalariga qo‘shimcha davlat granti asosidagi qabul ko‘rsatkichlari doirasida ehtiyojmand oilalardagi xotin-qizlarga tanlovda ishtirok etish uchun tavsiyanoma berish va ularni o‘qishga qabul qilishini tashkil etish tartibi to‘g‘risidagi nizomni tasdiqlash haqida” 402-son va O‘zbekiston Respublikasi Vazirlar Mahkamasining 2022-yil 9-iyundagi “Mutahassisligi bo‘yicha kamida besh yil mehnat stajiga ega bo‘lgan xotin-qizlarni davlat oliy ta’lim muassasalariga o‘qishga qabul qilish tartibini tasdiqlash haqida”gi 322-son qarorlar mazmun-mohiyatini tanishtirish hamda bitiruvchilarga bugungi kunda xotin-qizlarni oliy ta’limga qamrovini oshirish maqsadida ularga yaratilayotgan imkoniyatlar va berilayotgan imtiyozlar to‘g‘risida batafsil ma’lumotlar berish bo‘yicha ishchi guruh tarkibi tasdiqlandi.

Suhbat va targ‘ibot davomida 85 ta mahallalarda joylashgan maktab, akademik litsey va professional ta’lim muassasalari qamrab olindi.

Suhbat davomida o‘quv qizlar tomonidan berilgan savollarga batafsil ma’lumotlar yetkazildi.

2023-yil 25-may kuni O‘zbekiston Respublikasi Oliy ta’lim, fan va innovatsiyalar vazirligining 3/15-4/1-2179-son xati ijrosi bo‘yicha Farg‘ona politexnika institutida viloyatdagi barcha oliy ta’lim muassasalarning tadbirkorlikka va biznesga qiziqishi baland bo‘lgan bitiruvchilariga “Biznes marafon” motivatsion trening tashkil etildi.

Treningda viloyatdagi muvaffaqiyatga erishgan tadbirkorlar va universitetning Iqtisodiyot, Buxgalteriya hisobi va audit hamda Mintaqaviy iqtisodiyot ta’lim yo‘nalishi bitiruvchi kurs talabalari ishtirok etdi.

2023-yil 4-oktabr kuni O‘zbekiston Respublikasi Prezidenti huzuridagi davlat xizmatini rivojlantirish agentligi Farg‘ona viloyati filiali tomonidan “Oliy ta’lim muassasalari bitiruvchi yoshlari bilan ochiq muloqot” mavzusida uchrashuv o‘tkazildi.

Uchrashuvda Farg‘ona viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari F.Qosimov, Yoshlar masalalari va ma’naviy-ma’rifiy ishlar bo‘yicha birinchi prorektor Z.Rahimov, O‘zbekiston Respublikasi Prezidenti huzuridagi Davlat xizmatini rivojlantirish agentligi departament mudiri I.Qurbonov, O‘zbekiston Respublikasi Prezident huzuridagi davlat xizmatini rivojlantirish agentligi Farg‘ona viloyat filiali rahbari S.Islomov va agentlik vakillari ishtirok etdi.

Uchrashuvda bitiruvchilarga davlat boshqaruv tizimiga ishga kirish jarayonida vacancy.argos.uz platformasida ariza topshirish, vakant ish o‘rinlari bilan tanishish va boshqa meyoriy hujjatlari bilan tanishtirildi.

2023-yil 10-noyabr kuni Farg'ona davlat universitetida "Ta'lim va ishlab chiqarish integratsiyasi: muammo va navbatdagi vazifalar" mavzusida bitiruvchilar forumi o‘tkazild i. Viloyat hokimligi, ish beruvchi tashkilot, korhona va ta’lim muassasalar boshqarma rahbarlari, universitet rahbariyati va so‘nggi besh yilda bitirgan bitiruvchilar ishtirok etdi.

Forumda ishlab chiqaruvchi, bitiruvchi va ish beruvchilarning o'zaro integratsiya jarayonini to‘liq bog‘lagan holda, press-klub formatida davom etdi va munozalar orqali tizimdagi muammo va takliflar, aniq yechimlar ishtirokchilar e’'tiborida bo‘ldi.

Bundan tashqari bitiruvchilardan universitet tomonidan tayyorlanayotgan yuqori malakali kadrlarni tayyorlash va ularni ish bilan ta’minlashda yuzaga kelayotgan muammolarga sabab bo‘layotgan omillarni o‘rganish maqsadida so‘rovnoma o‘tkazildi.