Farg`ona davlat universiteti

1. Bosh sahifa

Talabalarni turar joy bilan taminlash ishlarini muvofiqlashtirish

Bo‘lim boshlig‘i: Erkaboyev Oybek Muhammadjonovich:

Tel: 99891-130-44-01

Bosh mutaxassis: Muxamediyev Muxammad Muzaffarovich

Tel: 998-99-110-22-15

Bosh mutaxassis: Yoqubov Jamshidbek G‘ulomjon o‘g‘li

Tel: 99891-158-34-35

Bosh mutaxassis: Raximov Isroiljon Ismoilovich

Tel: 99888-811-34-34

“TALABALARNI TURAR JOY BILAN TAʼMINLASH ISHLARINI

MUVOFIQLASHTIRISH BOʻLIMI” TOʻGʻRISIDAGI

NIZOM

I. Umumiy qoidalar

1.1. Ushbu “Nizom” Oʻzbekiston Respublikasi Vazirlar Mahkamasining “Respublika Oliy taʼlim muassasalarida talabalarni turar joy bilan qamrab olish darajasini oshirish chora-tadbirlari toʻgʻrisida”gi 9-sentabr 2021-yildagi 563-son qarori asosida ishlab chiqildi.

Farg‘ona davlat universitetining (keyingi oʻrinlarda Universitet deb yuritiladi) “Yoshlar bilan ishlash, ma’naviyat va ma’rifat” bo‘limi tarkibidagi “Talabalarni turar joy bilan taʼminlash ishlarini muvofiqlashtirish” boʻlimi universitetning tarkibiy tuzilmasi hisoblanadi.

1.2. Universitetga uzoq tuman, shahar va viloyatlardan kelib taʼlim olayotgan talabalarni vaqtincha yashash joyi bilan taʼminlash maqsadida, “Talabalarni turar joy bilan taʼminlash ishlarini muvofiqlashtirish” boʻlimi tashkil etiladi.

1.3 Universitetning Talabalarni turar joy bilan taʼminlash ishlarini muvofiqlashtirish boʻlimi Oʻzbekiston Respublikasi Prezidentining farmonlari va qarorlari, Vazirlar Mahkamasi qaror va farmoyishlari, Oliy va oʻrta maxsus taʼlim vazirligi qarorlari, Axborot texnologiyalari Vazirligining farmayish va qarorlari, Hayʼat bayonnomalari, Universitet Kengashi qarorlari, buyruqlari, farmoyishlari va ushbu Nizomga asosan ish yuritadi.

1.4. Talabalarni turar joy bilan taʼminlash ishlarini muvofiqlashtirish boʻlimi – fakultet dekanatlari hamda tyutorlar bilan hamkorlikda ish olib boradi.

1.5. Talabalarni turar joy bilan taʼminlash ishlarini muvofiqlashtirish boʻlimi – mazkur Nizom asosida Universitet rahbariyati tomonidan shakllantiriladi hamda oʻz faoliyati yoʻnalishiga, ish rejasi va dasturiga, maxsus muhriga, shtat birligiga ega boʻlib, talabalar turar joyining maʼmuriy, maʼnaviy-axloqiy tarbiya ishlarini boshqaradi.

1.6. Talabalarni turar joy bilan taʼminlash ishlarini muvofiqlashtirish boʻlimi talabalar turar joyida talabalarning yashashi, oʻz ustida mustaqil ishlashi, dam olishi hamda sport, sanʼat va boshqa klublarda qatnashishi uchun sharoitlar yaratadi.

1.7. Talaba turar joyi olish uchun Universitet rektori yoki Yoshlar masalalari va ma’naviy - maʼrifiy ishlari boʻyicha birinchi prorektor nomiga ariza yozadi va unga pasport nusxasini ilova qiladi. Mazkur ariza oʻrnatilgan tartibda koʻrib chiqilgach, talabani turar joyiga joylashtirish Universitet rektori yoki Yoshlar masalalari va ma’naviy-ma’rifiy ishlar boʻyicha birinchi prorektor ruxsati bilan berilgan order asosida “Talabalarni turar joy bilan taʼminlash ishlarini muvofiqlashtirish” boʻlimi tomonidan amalga oshiriladi.

1.8. Talabalar turar joylarida istiqomat qiluvchi talabalar Oʻzbekiston Respublikasi Ichki ishlar vazirligi tomonidan taʼsis etilgan qoidalar asosida vaqtincha roʻyxatga olinadilar. Roʻyxatga olish ishlari “Talabalarni turar joy bilan taʼminlash ishlarini muvofiqlashtirish” boʻlimi boshligʻi va pasportist(ka) tomonidan amalga oshiriladi.

1.9. Tarbiyaviy-madaniy, sport-sogʻlomlashtirish ishlari va talabalar turar joyida yashovchilarga maishiy xizmat koʻrsatishni tashkil etish borasidagi umumiy rahbarlik Universitet rektori tomonidan amalga oshiriladi.

1.10. Talabalar turar joylariga Universitet ishchi-xizmatchilari, begonalar, talabalarning oila aʼzolarini joylashtirish qatʼiyan man etiladi va bu “Talabalarni turar joy bilan taʼminlash ishlarini muvofiqlashtirish” boʻlimi tomonidan nazoratga olinadi.

1.11. Talabalar turar joylarida yashash uchun toʻlov miqdori universitet Kengashi qarori asosida rektor buyrugʻi bilan har oʻquv yili boshida belgilanadi.

1.12. Tashkil etilgan bo’limning asosiy vazifasi O’zbekiston Respublikasi Vazirlar Mahkamasining 605-sonli «Ijara huquqi asosida yashayotgan talabalar tomonidan to’lanadigan ijara to’lovlarini qoplab berish tizimini joriy etish chora-tadbirlari to’g’risida”gi Qarori ijrosini ta’minlaydi. Bunda Farg‘ona davlat universitetda tahsil olib ijara asosida yashayotgan talabalarga oylik ijara to’lovining 50 foizi (bazaviy hisoblash miqdorining yarim baravaridan oshmagan holda) Davlat byudjeti mablag’lari hisobidan to’lab berilishi uchun hujjatlarni rasmiylashtiradi va tavfsiyalar beradi.

II. Talabalarni turar joy bilan taʼminlash ishlarini muvofiqlashtirish boʻlimi tarkibi, huquqlari va majburiyatlari.

2.1. Talabalarni turar joy bilan taʼminlashni muvofiqlashtirish boʻlimi tarkibi boʻlim boshligʻi va uch nafar bosh mutaxassisdan iborat.

Talabalarni turar joy bilan taʼminlashni muvofiqlashtirish boʻlimi boshligʻining xizmat vazifalariga quyidagilar kiradi:

• Oʻz mehnat vazifalarini halol, vijdonan bajarish, mehnat va ijro intizomiga, odob-ahloq qoidalariga rioya qilish;
• korrupsiya va boshqa huquqbuzarlik holatlariga yoʻl qoʻymaslik, oʻz xizmat vazifalarini suisteʼmol qilmaslik;
• talabalar turar joylaridagi barcha xodimlarning, jumladan bino boshliqlarining ish faoliyatini nazorat qilish, ularni ishga qabul qilish va boʻshatish uchun tavsiya berish;
• talabalarni turar joy bilan taʼminlash ishlarini muvofiqlashtirish boʻlimi ishini tashkil qilish, vazifalarni xodimlar oʻrtasida taqsimlash, yuklatilgan vazifalarni samarali va oʻz vaqtida bajarilishini taʼminlash;
• talabalarni turar joy bilan taʼminlash ishlarini muvofiqlashtirish boʻlimi xodimlari tomonidan mehnat va ishlab chiqarish intizomiga rioya etilishini nazorat qilish;
• talabalarni yotoqxonaga joylashishida roʻyxatga olishda, guvohnomalar va shartnoma berishda imzo chekish;
• talabalarga TTJ guvohnomasi, toʻlov shartnoma qogʻozi va boshqa maʼlumotlarni berish jarayonida ishtirok etish, nazorat qilish;
• talabalar shartnoma asosida TTJ toʻlovini oʻz vaqtida tulanishini nazorat qiladi.
• talabalarga maslahatlar, savollariga javob berish, ularning muammolarini hal qilishda yordam berish;
• talabalarga turar joy masalalarini hal qilishda ishtirok etish va birinchi prorektorga maʼlumot berish;
• talabalar turar joyining faoliyatini tashkil etish dasturi va rejasini ishlab chiqish;
• joriy yilda olib borgan faoliyati boʻyicha har yarim yilda Universitet Kengashiga hisobot berish;
• talabalarni turar joy bilan taʼminlash ishlarini muvofiqlashtirish boʻlimidagi lavozimlarga shtat birliklari asosida xodimlar va ishchilarni tanlaydi, ishga qabul qilish va ishdan ozod etish boʻyicha oʻz tavsiyalarini rahbariyatga rasmiylashtirish uchun taqdim etish;
• oʻrinlarni, talabaning jinsi, fakultetlar boʻyicha taqsimotini belgilaydi, ular haqidagi umumiy maʼlumotlar banki, axborotlar, statistik jadvallarni tayyorlaydi, ushbu maʼlumotlar bilan Universitet rahbarini doimo xabardor etib turadi;
• pasport tizimi, talabalar turar joyiga kirib-chiqish qoidalarining qatʼiy bajarilishini taʼminlaydi;
• pedagog-tarbiyachilar faoliyatini tashkil etadi va nazorat qilib boradi;
• haftalik yigʻilishlar, tadbirlarda ishtirok etadi, talabalar turar joyiga tegishli boʻlgan masalalar boʻyicha huquq-tartibot organlari, tashkilotlar, muassasalar bilan hamkorlikda ish olib boradi;
• nazoratchilar guruhi faoliyatini tashkillashtiradi hamda “Mahalla posbonlari”, “Yosh posbonlar” bilan hamkorlikda ishlashni taʼminlaydi;

Bilishi kerak:

Oliy taʼlimga oid qonunlari, Prezident farmonlari, farmoyishlari, qarorlari, Vazirlar Mahkamasining qarorlari, Vazirlikning Hayʼat qarorlari, buyruqlari, Universitet ustavi, ichki mehnat-tartib qoidalari, odob-ahloq qoidalarni, Uuniversitet rektori qarorlari, buyruqlari, talabalar turar joyi faoliyatiga oid boshqa meʼyoriy hujjatlarning mohiyatini bilishi.

Malaka talablari:

• Namunaviy shaxsiy fazilatlarga, madaniyatli, ijodiy qobiliyatlar, xushmuomalalik va tashabbuskorlik qobiliyatlariga ega boʻlish, masʼuliyat hissi, mustaqil qaror qabul qilish va ish tutish, qatʼiy harakat qilish, muassasa strategik maqsadlariga erishishni taʼminlash xususiyatlariga ega boʻlishi;
• oliy maʼlumotga ega boʻlishi xorijiy tillardan birining boshlangʻich bilimga ega boʻlgan, zamonaviy axborot texnologiyalaridan foydalana oladigan, ikki yil pedagogik stajga va tajribasiga ega shaxslar tayinlanadi.
• oʻz sohasiga tegishli masalalar boʻyicha axborot va maʼlumotlardan xabardor boʻlishi zarur

2.2. Talabalarni turar joy bilan taʼminlash ishlarini muvofiqlashtirish boʻlimi boshligʻi – talabalar turar joyi faoliyatini tashkil etishning barcha yoʻnalishlari boʻyicha umumiy rahbarlikni olib boradi.

2.3. Talabalarni turar joy bilan taʼminlash ishlarini muvofiqlashtirish boʻlimi bosh mutaxassisi lavozimiga tayinlanadigan shaxs tajribali boʻlishi shart.

Talabalarni turar joy bilan taʼminlash ishlarini muvofiqlashtirish boʻlimi bosh mutaxassisining xizmat vazifalariga quyidagilar kiradi:

• Oʻz mehnat vazifalarini halol, vijdonan bajarish, mehnat va ijro intizomiga, odob-ahloq qoidalariga rioya qilish;
• korrupsiya va boshqa huquqbuzarlik holatlarga yoʻl qoʻymaslik, oʻz xizmat vazifalarini suisteʼmol qilmaslik;
• talabalar turar joylaridagi barcha xodimlarning, jumladan bino boshliqlarining ish faoliyatini nazorat qilish;
• talabalarni turar joy bilan taʼminlash ishlarini muvofiqlashtirish boʻlimiga yuklatilgan vazifalarni samarali va oʻz vaqtida bajarilishini taʼminlash;
• mehnat va ishlab chiqarish intizomiga rioya etish;
• talabalarga maslahatlar, savollariga javob berish, ularning muammolarini hal qilishda yordam berish;
• talabalarni turar joy bilan taʼminlash ishlarini muvofiqlashtirish boʻlimi qabul xonasida oʻtiradi va talabalar murojaatlarini qabul qiladi va boʻlim rahbariga maʼlumot beradi;
• talabalarga yotoqxonada yashash sharoitlarini doimiy oʻrganadi;
• TTJ guvohnomasi, toʻlov shartnoma qogʻozi va boshqa maʼlumotnomalarni tayyorlaydi va roʻyxatga oladi;
• tasdiqlangan TTJ qoidalariga asosan talabalar hisobini yuritadi;
• talabalarni xonalarga joylashtiradi va umumiy foydalanish joylaridan foydalanish qoidalarini tushuntirish ishlarini doimiy olib borish;
• sanitariya meʼyorlarining bajarilishini taʼminlaydi;
• TTJgi talabalar davomatini doimiy monitoringini olib boradi.

Bilishi kerak:

Oliy taʼlimga oid qonunlari, Prezident farmonlari, farmoyishlari, qarorlari, Vazirlar Mahkamasining qarorlari, Vazirlikning Hayʼat qarorlari, buyruqlari, Universitet ustavi, ichki mehnat-tartib qoidalari, odob-ahloq qoidalarni, Universitet rektori qarorlari, buyruqlari, talabalar turar joyi faoliyatiga taalluqli faoliyatiga oid boshqa meʼyoriy hujjatlarning mohiyatini bilishi.

Malaka talablari:

• Namunaviy shaxsiy fazilatlarga, madaniyatli, ijodiy qobiliyatlar, xushmuomalalik va tashabbuskorlik qobiliyatlariga ega boʻlish, masʼuliyat hissi, mustaqil qaror qabul qilish va ish tutish, qatʼiy harakat qilish, muassasa strategik maqsadlariga erishishni taʼminlash xususiyatlariga ega boʻlishi;
• oliy maʼlumotga ega boʻlishi xorijiy tillardan birining boshlangʻich bilimga ega boʻlgan, zamonaviy axborot texnologiyalaridan foydalana oladigan, ikki yil pedagogik stajga va tajribasiga ega shaxslar tayinlanadi.

oʻz sohasiga tegishli masalalar boʻyicha axborot va maʼlumotlardan xabardor boʻlishi zarur

III. Nizomga oʻzgartirish, qoʻshimchalar kiritish va bekor qilish

3.1. Ushbu Nizomga oʻzgartirish va qoʻshimchalar kiritish, shuningdek kuchini yoʻqotgan deb topish Universitet rektori buyrugʻi bilan amalga oshiriladi.

3.2. Talabalarni turar joy bilan taʼminlashni muvofiqlashtirish boʻlimining ushbu Nizomiga ish jarayonida toʻplangan tajriba, muammolar, istak va takliflardan kelib chiqib, qoʻshimcha hamda oʻzgartirishlar kiritilishi mumkin.

IV. Yakunlovchi qoidalar:

4.1. Ushbu nizomda belgilangan masalalar boʻyicha kelib chiqqan nizolar qonun hujjatlari asosida hal qilinadi.

4.2. Ushbu nizom talablarini buzganlikda aybdor shaxslar amaldagi qonuchilikda belgilangan tartibda javobgar boʻladi.