FAKULTET HAQIDA UMUMIY MA`LUMOT

Huquqshunoslik fakulteti dastlab 1991-yilda tashkil topgan va 2003-yilga qadar faoliyat yuritgan. Bu davrda fakultetga yuridik fanlari doktori, professor Y.Raximov dekanlik qilgan. 2022-yilda Farg‘ona davlat universiteti huzurida yurisprudensiya yo‘nalishi ochilgan bo‘lib, Tarix fakulteti trakibida faoliyat olib borgan. 2026-yilning yanvarida universitet tarkibida Huquqshunoslik fakulteti tashkil topgan. 2022/2023-o’quv yilida yurisprudensiya ta’lim yo‘nalishiga 189 (93 ta kunduzgi va 96 ta sirtqi) nafar abituriyent talabalikka qabul qilingan.

Bugungi kunda Huquqshunoslik fakultetida yurisprudensiya ta’lim yo‘nalishi bo‘yicha jami 1438 nafar (shundan, 628 nafari kunduzgi, 782 nafari sirtqi va 28 nafari kechki ta’lim shaklida) talabalar taxsil olmoqda. Yurisprudensiya ta’lim yo‘nalishi o‘qish muddati kunduzgi shaklida 4 yil, sirtqi shaklida 5 yil, kechki shaklida esa 4,5 yilni tashkil etadi.

Fakultetda 2 ta kafedrada jami 23 nafar professor-o‘qituvchilar asosiy ish o‘rnida faoliyat yuritmoqda. Fakultetning ilmiy salohiyati 44 % ni tashkil etadi. Shundan, 1 nafar fan doktori professor, 9 nafari fan nomzodi, 6 nafari dotsentlar, 4 nafari katta o‘qituvchi hamda 11 nafari o‘qituvchilardir.